Յուլիսի 7-ին Հայաստան է ժամանել Իրանի Իսլամական Հանրապետութեան Ազգային անվտանգութեան գերագոյն խորհրդի քարտուղար Ալի Շամխանին: Երեւանի «Զուարթնոց» միջազգային օդանաւակայանում նրան դիմաւորել է ԱԽ քարտուղար Արմէն Գրիգորեանը. հաղորդում է ԻՌՆԱ-ն:
Ալի Շամխանին Երեւան ժամանելուց յետոյ լրագրողների հետ զրոյցում, շեշտել է տարածաշրջանային խաղաղութեան եւ կայունութեան հաստատման անհրաժեշտութեանը, մասնաւորապէս՝ միջտարածաշրջանային համագործակցութիւնների ծաւալման քայլերով եւ յաւելել է, որ Իրանի Իսլ. Հանրապետութիւնը դէմ է ցանկացած գործողութեան, որն յանգեցնում է տարածաշրջանի աշխարհաքաղաքական քարտէզի փոփոխութեան։
Անդրադառնալով հայաստանեան այցի նպատակներին, Ալի Շամխանին նշել է, որ 13-րդ կառավարութեան քաղաքական հիմնարար ուղղութիւններից տարածաշրջանային երկրների եւ հարեւանների հետ յարաբերութիւնների զարգացումն է, յաւելելով, որ հետեւաբար, Իրանը հովանաւորում է 3+3 ձեւաչափի ընձեռած հնարաւորութեան իրացումը:
Շամխանին նշել է. «Հայաստանի եւ Ադրբեջանի միջեւ բանակցութիւնները պէտք է նպաստեն երկու երկրների տարածքային ամբողջականութեան պահպանման եւ կայուն խաղաղութեան հաստատման»:
Նա յաւելել է, որ Իրանի Իսլ. Հանրապետութիւնը կտրականապէս դէմ է տարածաշրջանային աշխարհաքաղաքական քարտէզի փոփոխութեան:
