Վերջին շաբաթների ընթացքում հայ պաշտօնեաների մասնակցութիւնը սահմանների սահմանազատման եւ սահմանազատման տարբեր քննարկումներին եւ բանակցութիւններին ցոյց է տալիս, որ Երեւանը հասկանում է, որ զիջումների սահմանը սպառուած է։ Այս մասին յայտարարել է Ադրբեջանի Անվտանգութեան խորհրդի քարտուղար, Ռամիլ Ուսուբովը։
Նրա խօսքով, «արհեստական խոչընդոտներ ստեղծող Հայաստանը այլ ելք չունի, քան հրաժարուել անհիմն պահանջներից եւ սկսել մասնակցել տարածաշրջանային համագործակցութեանը»: «Միւս կողմից, երբ պարզ դառնայ, որ խաղաղ բանակցութիւնների դէմ բողոքօղ հայկական ընդդիմութիւնը չի հասնի իր նպատակին, նրանց միացողների թիւը գնալով կնուազի»:
«Չպէտք է մոռանալ, որ վերջին ընտրութիւններում հայ ժողովուրդը վստահութիւն է տուել իշխող կուսակցութեանը, որը յայտարարել է, որ բանակցութիւններ է սկսելու Ադրբեջանի հետ, այլ ոչ թէ ընդդիմութեանը, որը ներկայացնում է «պատերազմի կուսակցութիւնը՝ ռազմական խունտան»։ Ժողւուրդը Փաշինեանին Ադրբեջանի հետ հաշտութեան պայմանագիր կնքելու մանդատ է տուել, այսինքն՝ հայ ժողովուրդը յոգնել է թշնամութիւնից եւ կայունութիւն է ուզում»,- ասել է Ռամիլ Ուսուբովը։
azg.am
