Ն.Ս.Օ.Տ.Տ. Գարեգին Երկրորդ Ամենայն հայոց կաթողիկոսը ուղերձ է յղել Հաեօց ցեղասպանութեան յիշատակի օրուայ առթիւ: Ուղերձում ասւում է.
«Ցեղասպանութիւնից մէկ դար անց՝ արցախեան 44-օրեայ պատերազմից յետոյ, մեր երկրի առջեւ ծառացած մարտահրաւէրները, հայրենիքի շուրջ ծաւալուող աշխարհաքաղաքական գործընթացները, Ադրբեջանի ագրեսիւ ու հայատեաց քաղաքականութիւնը փաստում են, որ վերացուած չէն հայրենաբնակ մեր ժողովրդի, ի մասնաւորի՝ Արցախի հաեորդիների ապահով ու անվտանգ կեանքի սպառնալիքները։ Մեր սուրբ նահատակների յիշատակի առջեւ նուիրական մեր պարտքն է համախմբուել եւ պաշտպանել Արցախահայ մեր ժողովրդի ազատ ու անկախ ապրելու իրաւունքը, Հայաստան ու Արցախ մեր աշխարհի անվտանգութիւնը, կանխել Ադրբեջանի վերահսկողութեան տակ անցած տարածքներում հայկական հոգեւոր-մշակութային ժառանգութեան բարբարոսաբար ոչնչացումը, որ չկրկնուի Նախիջեւանում իրագործուած մշակութային եղեռնը»։
«Պետական եւ ազգային-եկեղեցական կառոյցների, ամենքիս յանձնառութիւնը պիտի շարունակի մնալ միջազգային հարթակներում բարձրաձայնումը Արցախի մեր ժողովրդի ոտնահարուող իրաւունքների եւ հաեօց արդար դատի՝ ի խնդիր ազգիս արժանապատիւ եւ լուսաւոր կեանքի ու գալիքի»։
