Արցախի Հանրապետութեան Ազգային Ժողովի նախագահ Դաւիթ Իշխանեանի ծննդեան տարեդարձն է։ Մէկ տարուց աւելի է Դաւիթ Իշխանեանը՝ Արցախի նախկին ռազմաքաղական ղեկավարների հետ Պաքուի բանտում է։
Դաւիթ Իշխանեանը Արցախի Խորհրդարանի ղեկին յայտնուեց ճակատագրական փուլում, երբ իրավիճակն ու պայմանները խիստ արտասուոր էին։ Նա խորը գիտակցումով է գնացել այդ քայլին։ Արցախի համար ճակատագրական փուլում ստանձնելով քաղաքական պատասխանատուութիւն՝ օգտագործելու ամբողջ ներուժը, Արցախի հարցը միջազգային հանրութեան օրակարգ բերելու եւ արդարութեան հասնելու:
Նա վստահ էր եւ հաւատացած՝ քանի դեռ Արցախն ու արցախցին ոչ են ասում բոլոր այն առաջարկներին, որոնք հարուածում են մեր որդեգրած ռազմավարական նպատակին՝ ոչինչ չի աւարտուել:
Բացառիկ գործիչ, ով նուիրուած էր բարոյականութեան սկզբունքների վրա հիմնուած քաղաքականութեամբ պետականութիւն կերտելուն․ «Հրաշքների չսպասէք, մեր իրականութիւնն այնպիսին է, որ առանց մեր մասնակցութեան հրաշքներ չեն կարող լինել: Միայն հրաշքներ կատարելու ձգտումը մեզ կարող է դուրս բերել այս իրավիճակից: Ուրեմն հրաշքներ գործելու պատրաստակամութեամբ ու պատասխանատուութեամբ իւրաքանչիւրս լծուենք մեր գործին»:
Շնորհաւո՛ր տարեդարձդ, սիրելի՛ ընկեր, ամուր կամք, տոկունութիւն եւ շուտափոյթ վերադարձ։
Տիգրան Աբրահամեանն ևս այս կապակցութեամբ գրառում է կատարել
Այսօր Դաւիթ Իշխանեանի ծննդեան օրն է
Այսօր Արցախի խորհրդարանի նախագահ Դաւիթ Իշխանեանի ծննդեան օրն է:
Ցաւօք, մեր ժողովրդի հետ վերջին 6 տարիներին տեղի ունեցած ողբերգական իրադարձութիւններից անմասն չմնաց նաեւ Դաւիթ Իշխանեանը, ով նախ իր հայրենի Արցախը կորցրեց, ապա գերեւարուեց ադրբեջանցիների կողմից:
Այն, ինչ տեղի ունեցաւ 2023 թուականի սեպտեմբերին, չնայած իր բնոյթով կազմակերպուած, համակարգային գործողութիւնների շարք էր Արցախի եւ Հայաստանի դէմ, սակայն ինչ-որ առումով էլ, 2020 թուականի ադրբեջանական ագրեսիայի եւ Հայաստանի իշխանութեան յանցաւոր գործելակերպի հետեւանքն էր:
Դաւիթ Իշխանեանը, Բակոյ Սահակեանը, Արկադի Ղուկասեանը, Լեւոն Մնացականեանը, Դաւիթ Մանուկեանն ու ադրբեջանական բանտերում գտնուող մեր միւս հայրենակիցները բանտում են իրենց սկզբունքների, քաղաքական դիրքորոշման եւ գաղափարական նուիրուածութեան պատճառով:
Ցաւօք, Հայաստանի ղեկին գտնուող ապազգային ուժը` իր բարոյալքութեան սփռման եւ հակապետական գործունեութեամբ բազում ծառայութիւններ է մատուցում մեր երկրի նկատմամբ թշնամաբար տրամադրուած երկրներին:
Տիգրան Աբրահամեան
ՀՀԿ գործադիր մարմնի անդամ, «Պատիւ ունեմ» խմբակցութեան պատգամաւոր
