Հ.Օ.Մ.ի Պըրպէնքի «Արազ» Մասնաճիւղը Կը Մասնակցի Պըրպէնքի հրշէջներուն Կողմէ Նոր Տարուայ Առիթով Կազմակերպած Մանուկներու Ծրագիրին:
Հայ Օգնութեան Միութեան մէկ մասնիկը հանդիսացող Պըրպէնքի «Արազ» մասնաճիւղի ընկերուհիները, Նոր Տարուան եւ Ս. Ծննդեան զոյգ տօներուն առիթներով, իրենց մասնակցութիւնը բերին շրջանի Հ.Ե.Դ. Երիդասարդաց եւ Պատանեկան ուխտերուն կազմակերպած խաղալիքներու հաւաքին:
ՀՕՄուհիներն ու պատանիները Ուրբաթ, Դեկտեմբեր 13, 2024-ին, հաւաքած նուէրները միասնաբար յանձնեցին Պըրպէնքի Հրշէջներու բաժանմունքին կազմակերպած մանուկներու ծրագիրին, զանոնք բաժնուելու համար շրջանի կարիքաւոր երեխաներուն, այն յոյսով, որ Հ.Օ.Մ.ի մարդասիրական օժանդակութիւններու ծիրէն ներս, այս օժանդակութիւնն ա՛լ տօնական ուրախութիւն կ‘առաջացնէ համայնքին մէջ:
Սալբի Թէքկէլեան-Յակոբեան
