«Աւրորա» մարդասիրական նախաձեռնութիւնից յայտնում են, որ այս պաշտօնում նա կփոխարինի Արման Ջիլաւեանին, որը որպէս փոխնախագահ միանում է նախաձեռնութեան Տնօրէնների խորհրդին:
«Մեր խորին երախտագիտութիւնն ենք յայտնում Արման Ջիլաւեանին՝ իր առաջնորդութեան եւ «Աւրորայի» առաքելութեանն անմնացորդ նուիրման համար։ Արմանի յանձնառութիւնն օգնել է ընդլայնել «Աւրորայի» ազդեցութիւնն ամբողջ աշխարհում», — ասել է «Աւրորա» մարդասիրական նախաձեռնութեան համահիմնադիր եւ Տնօրէնների խորհրդի նախագահ Նուբար Աֆեյեանը:
«Մեծ պատուով եմ հետեւելու Արմանի օրինակին՝ որպէս գլխաւոր գործադիր տնօրէն, եւ շարունակելու գործել այն ամուր հիմքի վրայ, որը դրուել է կազմակերպութեան գործունէութեան առաջին տասնամեակում: Քանի որ մենք պատրաստւում ենք նշել «Աւրորայի» 10-ամեակը 2025 թուականին, մեծ է իմ ոգեւորութիւնն աշխատելու մեր համաշխարհային գործընկերների եւ աջակիցների հետ, որպէսզի ընդլայնենք մեր ազդեցութիւնն ու ծրագրերը, աջակցենք մարդասէրների յաջորդ սերնդին»,- ասել է Արմինէ Աֆեյեանը։
Արմինէ Աֆեյեանն «Աւրորայի» թիմին էր միացել 2023 թուականին: 2015-2016 թթ. նա կազմակերպութեան հանրային կապերի պատասխանատուն էր:
