Ֆրանսիայում դանակներով զինուած թուրք երկրպագուները յարձակուել են հայ ֆուտբոլիստների վրայ։ Այս մասին յայտնում է «Nouvelles d’Arménie»-ն։
Նշւում է, որ միջադէպը տեղի է ունեցել սեպտեմբերի 29-ին ֆրանս-թուրքական FC Turquoise ակումբի եւ ֆրանս-հայկական ՀՄԸՄ-ի թիմերի հանդիպման ժամանակ։ Հայկական ակումբը յաղթել է 2։0 հաշուով, ինչին թուրք երկրպագուները բուռն են արձագանքել եւ դուրս գալով խաղադաշտ յարձակուել են հայ ֆուտբոլիստների վրայ։
Ոստիկանները միջամտել են, խաղը դադարեցուել է։ Մի քանի վիրաւոր ֆուտբոլիստներ տեղափոխուել են հիւանդանոց։
Հայ դատի պաշտպանութեան կոմիտէն կոչ է անում իշխանութիւններին մեծացնել իրենց հաստատակամութիւնը եւ համարժէք պատժամիջոցները՝ այս նոր ռասիստական ագրեսիայի դիմաց եւ նշում․
«Թուրքական համայնքի նոր ռասիստական յարձակումը հայ համայնքի երիտասարդների վրայ։ Հերթական անգամ յարձակման են ենթարկուել Ֆրանսիայի քաղաքացիներ հայ լինելու պատճառով։
Ագրեսիան տեղի է ունեցել ֆուտբոլային պաշտօնական խաղի շրջանակում, որի ժամանակ ՀՄԸՄ Բուրգ Լես Վալենսիայի հայ համայնքի անդամների թիմը խաղում էր թուրքական համայնքի ֆուտբոլային թիմի դէմ:
Այս յարձակումը եւս մէկ անգամ ցոյց է տալիս հայատեացութեան գաղափարախօսութիւնը։
Այս յարձակումը նաեւ յիշեցնում է մէզ, որ գորշ գայլերի լուծարումը, որին ակտիւօրէն նպաստել է CDKA-ն, պէտք է լրացուի հակահայկական ատելութեան դէմ պայքարի վճռական գործողութիւններով եւ լուծարուած լիգան վերականգնելու համակարգուած ձգտմամբ եւ ատելութեան կոչով:
Ժամանակն է ստեղծել լուծարուած Գորշ գայլերի լիգայ եւ անհրաժեշտ միջոցներ տրամադրել այս ֆաշիստական գաղափարախօսութեան անյետացման համար Ֆրանսիայում:
