Արցախի նախագահ Սամուել Շահամանեանի մեքենայի առեւանգումն ուղերձ է Բաքուին։ Այս մասին այսօր՝ յունիսի 21-ին, Արցախի ներկայացուցչութեան շէնքի մօտ լրագրողների հետ զրոյցում ասաց «Հայաստան» խմբակցութեան պատգամաւոր Արթուր Խաչատրեանը։
«Սա բացառապէս քաղաքական ուղերձ է ուղղուած Ադրբեջանին, որ տեսնում եք, ձեր բոլոր հրամանները հլու հնազանդ կատարում ենք։ Ուղերձ է նաեւ արցախցիներին, որ արցախցիները որեւէ ներգրաւուածութիւն չունենան Հայաստանում տեղի ունեցող քաղաքական եւ հանրային գործընթացներին»,- նշեց պատգամաւորը եւ յաւելեց, որ այդ գործընթացը ձախողուելու է։
Հարցին՝ արդեօ՞ք այս քայլն արուել է նաեւ այն պատճառով, որ Շահրամանեանը վերջերս լրագրողներին տուած ճեպազրոյցում ասել էր, թէ հրապարակային անդրադառնալու է Փաշինեանի կողմից արուած յայտարարութիւններին, Խաչատրեանն ասաց. «Այդ ամէն ինչը չեմ բացառում, սա իհարկէ նաեւ լռեցնելու նպատակ էր հետապնդում։ Իշխանութիւնները 44-օրեայ պատերազմի ծագման եւ պատճառների մասին այնքան ստէր են պատմել, որ նրանք ամենեւին չէն ցանկանայ, որ այդ ստէրը մերկացուէն»։
Պատգամաւորի խօսքով՝ արցախցիներին իշխանութիւնը փորձում է թողնել առանց ղեկավարի. «Իսկ առանց առաջնորդութեան մնացած ժողովուրդը չի կարող կազմակերպուել, եւ, ցաւօք, հակուած կը լինի լքելու Հայաստանը»։
