Քաղաքական դաշտն ուշիուշով սպասում է կիրակնօրեայ հանրահաւաքին․ «Հրապարակ»
«Հրապարակ» թերթը գրում է. «Յունիսի 9-ի մեծ հանրահաւաքի նախօրեակին Բագրատ սրբազանի առաջնորդած «Տաւուշը հանուն հայրենիքի» շարժումը կայցելի Վանաձոր։ Սրբազանը յայտարարել է մարզային այցեր կատարելու մասին, այդուհանդերձ, քաղաքական դաշտն ուշիուշով սպասում է կիրակնօրեայ հանրահաւաքին։ Շարժման ակտիւը յայտարարել է, որ այդ օրը Բագրատ սրբազանը վճռորոշ ելոյթով է հանդէս գալու, որը փոխելու է իրավիճակը։
Շարժման տարածած հաղորդագրութիւնից յետոյ քաղաքական շրջանակներում ակտիւ գուշակութիւններ են անում․ ոմանք կարծում են, որ սրբազանը կոչ է անելու խորհրդարանական ընդդիմութեանը՝ վայր դնել մանդատները, երկրում առաջացնել քաղաքական ճգնաժամ եւ հասնել արտահերթ ընտրութիւնների: Ոմանք կարծում են, որ ապագայ կառավարութեան կազմն է հրապարակելու։
Կայ նաեւ կարծիք, որ այդ օրը կը յայտարարուի շուրջօրեայ հաւաքների մասին, եւ հրապարակի ժողովրդին փողոցում կը պահէն մինչեւ չորեքշաբթի` խորհրդարանում կայանալիք հարցուպատասխանի օրը:
Եւ վերջապէս՝ հնարաւոր է, որ յայտարարի, թէ Գագիկ Ծառուկեանն էլ է աջակցում շարժմանը։ Մանաւանդ՝ օրերս նա հիւրընկալուել էր Ծառուկեանին, եւ անգամ այդ մասին պաշտօնապէս յայտարարութիւն տարածեցին»:
