Գեղամ Նազարեանի հնչեցրած յուզական արտայայտութիւնները չէն հանդիսանում խմբակցութեան դիրքորոշումը
ԱԺ «Հայաստան» խմբակցութեան պատգամաւոր Գեղամ Նազարեանը Կիրանց գիւղում այսօր ուղիղ եթերի ժամանակ վիրաւորանքներ էր հնչեցրել Newday կայքի լրագրող Անի Գեւորգեանի նկատմամբ՝ նրան անուանելով «կին, որն արժանի է արայ-ով խօսել», «պրովոկատոր» եւ այլն։ Միջադէպը ծագել էր այն բանից յետոյ, երբ Նազարեանը ժամանել էր Կիրանց-Ոսկեպար փակուած ճանապարհ, որպէսզի գիւղացիներին համոզի բացել այն։ 24News-ը հարց ուղղեց «Հայաստան» խմբակցութեան պատգամաւոր, ՀՅԴ ԳՄ ներկայացուցիչ Իշխան Սաղաթելեանին՝ խնդրելով մեկնաբանել Նազարեանի պահուածքը։
֊ Պարոն Սաղաթելեան, ինչպե՞ս կմեկնաբանեք այսօր Կիրանց գիւղում «Հայաստան» խմբակցութեան պատգամաւոր Գեղամ Նազարեանի վարքագիծը, համաձա՞յն եք նրա հնչեցրած տեսակէտների հետ։
֊ Գեղամ Նազարեանի հնչեցրած յուզական արտայայտութիւնները չէն հանդիսանում «Հայաստան» խմբակցութեան դիրքորոշումը եւ չէն արտայայտում խմբակցութեան պատգամաւորների տեսակէտը:
Յուսամ` պարոն Նազարեանը դէպքի հետ կապուած լրացուցիչ պարզաբանումներ կը ներկայացնի: Յաւելեմ նաեւ, որ մէզ համար անընդունելի է ԶԼՄ որեւէ ներկայացուցչի նկատմամբ անյարգալից վերաբերմունքը կամ վիրաւորանքը:
