«Հայաստան» խմբակցութեան ղեկավար Սեյրան Օհանեանը յայտարարեց, որ խորհրդարանական ընդդիմութիւնը չի մասնակցելու այս շաբաթուայ նիստէրին. մեկնում են Արցախի ու Հայաստանի սահմանամերձ մարզեր:
Նա ասաց, որ Հայաստանի ու Արցախի առաջ լրջագոյն մարտահրաւէրներ են ծառացել. իրենց հրաւիրած վերջին հանրահաւաքում նշուել են երկրի անվտանգութեանն առնչուող այն կարմիր գծերը, որոնցից այն կողմ որեւէ իշխանութիւն իրաւունք չունի քայլ անել:
«Մեզ համար սակարկելի չէն ՀՀ անկախութեան հռչակագրում նշուած դրոյթները՝ մեր տարածքային ամբողջականութիւնը սւուերէնութիւնը, անընդունելի ենք համարում ղարաբաղեան հակամարտութեան կարգաւորման որեւէ տարբերակ, որի դէպքում Արցախը կարող է յայտնուել Ադրբեջանի կազմում», — յայտարարեց Օհանեանը:
Նրա խօսքով՝ ՀՀ ներկայիս իշխանութիւնը անկարող է լուծել ներքին ու արտաքին բազմաթիւ խնդիրներ. վերջին զարգացումները, ըստ նրա, հաստատում են այն մտահոգութիւնները, որ ամէն ինչ ընթանում է ադրբեջանայ-թուրքական օրակարգով:
«Ելնելով ստեղծուած իրավիճակից՝ խորհրդարանական ընդդիմութիւնը յայտարարում է, որ չի մասնակցելու այս շաբաթուայ նիստէրին ու քուէարկութիւններին, մենք մեկնում ենք Արցախ ու ՀՀ սահմանամերձ մարզեր», — յայտարարեց նա:
Սեյրան Օհանեանն ու ընդդիմադիր միւս պատգամաւորները Արցախի դրօշներ տեղադրեցին սեղաններին:
«Պատիւ ունեմ» խմբակցութեան քարտուղար Հայկ Մամիջանեանն էլ յայտարարեց, որ իրենք նոյնպէս չէն մասնակցելու նիստէրին, մեկնում են Արցախ:
