Հինգշաբթի, 21 Մարտ 2024-ի առաւօտեան, Հոգշ. Տ. Զարեհ Վրդ. Սարգիսեան, այցելեց Փասատենայի Ազգ. Լ. եւ Յ. Թաւլեան մանկամսուր-մանկապարտէզ եւ զատկական տրամադրութիւններով շրջեցաւ կառոյցի բոլոր դասարանները, խորհրդակցեցաւ կառոյցի տնօրէնութեան եւ ուսուցչական կազմի անդամներուն հետ, այլեւ ծանօթացաւ անոնց աշխատանքին ու հետագայ ծրագիրներուն:
Մանկամսուրի քաղցրիկ մանուկներուն հետ զրոյցի պահուն, Հայր սուրբը բոլորին փոխանցեց Ս. Զատկուան օրհնութիւններ ու սրտագին բարեմաղթութիւններ:
