Ադրբեջանագէտ Տաթեւիկ Հայրապետեանի տելեգրամեան գրառումը`
Ադրբեջանական մամուլը եւ յատկապէս պետական «Az TV» հեռուստաընկերութիւնը կրկին թիրախաւորել են Ռուբէն Վարդանեանին։ Կարծէս թէ Բաքւում ապօրինաբար պահուող Վարդանեանը այդպէս էլ հանգիստ չի տալիս Իլհամ Ալիեւին։ Ադրբեջանական պետական հեռուստաընկերութեան կիրակնօրեայ թողարկման վերնագիրը նուիրուած էր Վարդանեանին։ Ռեպորտաժում խօսւում է BBC-ի ռուսական ծառայութեան կողմից Վարդանեանի մասին պատրաստուած յօդուածի մասին։
Ինչեւէ, ակնյայտ է, որ Վարդանեանին Բաքուի բանտում պահելը խնդրահարոյց է Իլհամ Ալիեւի համար։ Բաց թողնել Ալիեւը եւս դժուարանում է, քանի որ անձամբ ինքն է թիրախաւորել Վարդանեանին, քանի որ Վարդանեանը իր գործունեութեամբ բլոկադայի ժամանակ ճեղքել էր Ադրբեջանի կողմից ստեղծուած տեղեկատուական վակւումը եւ յատկապէս արեւմտեան մամուլում ակտիւ բարձրաձայնում էր այդ հարցի մասին։
Ակնյայտ է նաեւ, որ Վարդանեանի ընտանիքն ու ընկերները բարձրացնում է ոչ միայն նրա, այլեւ Բաքւում պահուող բոլոր գերիների ազատ արձակման հարցը։ Ամէն դէպքում, ըստ իս՝ ճնշումները ու մեդիայ հրապարակումներն այս թեմայով պէտք է շարունակուեն, հակառակ դէպքում՝ Ադրբեջանը կը մտածի, որ կարող է հրապարակային անպատիժ դատավարութիւններ անել։ Ալիեւը պէտք է հասկանայ, որ ամէն ինչ չէ, որ կարող է անել եւ մարսել․․․Դա կարեւոր է ոչ միայն Վարդանեանի եւ Բաքւում ապօրինաբար պահուող մեր այլ հայրենակիցների անվտանգութեան, այլ նաեւ Հայաստանի՝ որպէս պետութեան իմիջի համար առհասարակ։
