ԱՐՑԱԽՊՐԵՍ
Այս մասին տեղեկացնում է Արցախի պատմական միջավայրի պահպանութեան պետական ծառայութիւնը։ «Ադրբեջանը պատերազմում է խաչքարերի դէմ: Արցախում իրականացուած ցեղասպանական գործողութիւններից, էթնիկ զտումներից` տարածքը բնիկ հայերից մաքրելուց յետոյ, Ադրբեջանը պատերազմ է յայտարարել հայկական արժէքներին։
Ադրբեջանցիները այս անգամ աւերել են Մարտակերտ քաղաքի Դանիել Վարուժանի փողոցում գտնուող Յարութ Բաբայանի եւ Գարիկ Մնացականեանի յիշատակն յաւէրժացնող խաչքար — յուշաղբիւրը։
Այն կանգնեցուել էր 2021 թուականի հոկտեմբերին Յարութ Բաբայանի հոր՝ Ռաշիդ Բաբայանի մտայղացմամբ ու անձնական միջոցներով»,- ասուած է յայտարարութեան մէջ։
