Այսօր`ժամը 19:00-ին, Հանրապետութեան հրապարակում հրաւիրուած հանրահաւաքը յետաձգւում է:
Այս մասին յայտարարութիւն է տարածել Ազգային կոմիտէն․
Սիրելի հայրենակիցներ,
շարունակւում է կեցութեան նուազագոյն պայմանների կարիք ունենեցող բռնի տեղահանուած տասնեակ հազարաւոր արցախցի մեր հայրենակիցների հոսքը Հայաստանի Հանրապետութիւն։
Ադրբեջանի ցեղասպան գործողութիւնների պատճառով հարիւրաւոր արցախահայերի աճիւնները տեղափոխւում են մայր հայրենիք:
Ինչպէս մեր բազմաթիւ հայրենակիցները, Ազգային կոմիտէն իր աջակիցներով եւ անդամ կազմակերպութիւնների ներուժով, հնարաւորութիւնների սահմաններում լծուել է հումանիտար աղէտի յաղթայարման գործին։
Նկատի առնելով նշուածը՝ այսօր` ժամը 19:00-ին, Հանրապետութեան հրապարակում հրաւիրուած հանրահաւաքը յետաձգւում է:
Հանրահաւաքի օրուայ եւ ժամի մասին լրացուցիչ կտեղեկացնենք:
Ազգային կոմիտէն վերահաստատում է իր համոզմունքն ու վճռականութիւնը. համազգային այս ողբերգութեան մեղսակից Նիկոլ Փաշինեանի իշխանութիւնը հեռացուելու է, երկրում ձեւաւորուելու է ժողովրդի եւ պետութեան անվտանգութիւնը ապահովող ազգային իշխանութիւն:
