Յուլիսի 27-ին Հրապապարակ TV-ի «Հինգշաբթի հաղորդման հիւրն էր ՀՅԴ Հայաստանի Գերագոյն մարմնի անդամ, պատմական գիտութիւնների դոկտոր, պրոֆէսոր Խաչատուր Ստեփանեանը: Անդրադարձ է կատարուել Արցախին հումանիտար օգնութիւն փոխանցելու հայկական կողմի նախաձեռնութեանը, վերջին շրջանում Արցախ-Հայաստան քաղաքական անհամաձայնութիւններին, հայկական Արցախի նշանակութեանը՝ որպէս Հայաստանի յետագայ գոյութեան կարեւորագոյն պայման եւ տարածաշրջանային խաղաղութեան լուրջ ֆակտոր: Նա խօսել է նաեւ Արցախում քաղաքական հնարաւոր վերադասաւորումների եւ դրանց արդիւնքում ՀՀ արտաքին քաղաքականութեան մէջ սպասուող փոփոխութիւնների մասին:
Ըստ Խաչատուր Ստեփանեանի՝ իրենց վարած արտաքին քաղաքականութեան մէջ ստիպուած կը լինէն որոշակի սրբագրումներ անել նաեւ արտաքին հիմնական խաղացողները, որոնք իրենց շահերին հակասող լուրջ վտանգներ են տեսնում Թուրքիայ-Ադրբեջան տանդէմի գործողութիւններում:
Խոսելով Հայաստանում սպասուող քաղաքական գործընթացների մասին՝ ՀՅԴ Հայաստանի ԳՄ անդամը կարեւորել է Երեւանի աւագանու ընտրութիւնները ընդդիմութեան կողմից հնարաւորինս քաղաքականացնելու անհրաժեշտութիւնը՝ նշելով, որ եթէ դա չանի ընդդիմութիւնը, ապա, յաղթանակի դէպքում դա անելու է Նիկոլ Փաշինեանը՝ այդ յաղթանակը վերագրելով իր քաղաքական թիմին եւ իր վարած քաղաքական կուրսին: Խաչատուր Ստեփանեանի համոզմամբ՝ ինչպէս միշտ, առաջիկայ ընտրութիւնների ելքի վրայ եւս էական ազդեցութիւն են ունենալու Արցախեան հիմնախնդրի արծարծումները:
Մանրամասները՝ տեսանիւթում
