2023 թուականի յուլիսի 11-ին շրջանառութեան մէջ դրուելու երկու նամականիշով գեղաթերթիկ՝ «Կրոն եւ մշակոյթ. մշակութային ոճիր» թեմայով:
Ինչպէս «Արմենպրես»-ը տեղեկանում է «ՀայՓոստ»-ի տարածած հաղորդագրութիւնից, 940 ՀՀ դրամ անուանական արժէքով գեղաթերթիկի նամականիշի վրայ պատկերուած է Ջուղայի հայկական գերեզմանատունը, իսկ 950 ՀՀ դրամ անուանական արժէքով գեղաթերթիկի նամականիշի վրայ՝ նոյն գերեզմանատունը 2005 թուականին հայկական խաչքարերի Ադրբեջանի թիրախաւորուած ոչնչացումից յետոյ:
Գեղաթերթիկի խորապատկերին ներկայացուած են Նախիջեւանի տարածքում գտնուող Ջուղայի հայկական գերեզմանոցի XVI-XVIII դարերի բազում խաչքարերի ոչնչացման կադրեր:
Գեղաթերթիկի վրայ նաեւ նշուած են «ՋՈՒՂԱՅԻ ՀԱՅԿԱԿԱՆ ԳԵՐԵԶՄԱՆԱՏՈՒՆ» եւ «XVI-XVIII ԴԱՐԵՐԻ ՀԱՅԿԱԿԱՆ ԽԱՉՔԱՐԵՐԻ ՈՉՆՉԱՑՈՒՄԸ ՆԱԽԻՋԵՎԱՆՈՒՄ» գրառումները՝ հայերէն եւ անգլերեն լեզուներով:
Թողարկման օրը` 11 յուլիսի 2023թ.
Տպարանը` Cartor, Ֆրանսիայ
Նամականիշի չափսէրը` 40,0 x 30,0 մմ
Գեղաթերթիկի չափսէրը` 105,0 x 70,0 մմ
Տպաքանակը՝ 15 000 հ.
