Յուլիսի 10ին Լոս Անճելըս քաղաքին մէջ 90 տարեկանին կեանքէն հեռացաւ աշխարհահռչակ գիտնական, Հայաստանի ազգային ակադեմիայի ակադեմիկոս, Քալիֆորնիոյ պետական համալսարանի Արդի հայոց պատմութեան ամպիոնի հիմնադիր եւ առաջին վարիչ, «Հայաստանի Հանրապետութիւն» կոթողային քառահատոր աշխատութեան եւ Հայոց ցեղասպանութեան ու պատմական հայրենիքի վերաբերեալ բազմաթիւ գիրքերու հեղինակ Ռիչըրտ Գ. Յովհաննէսեանը:
Ռիչըրտ Յովհաննէսեան Հայաստանի արտաքին գործոց առաջին նախարար, «Ժառանգութիւն» կուսակցութեան ղեկավար Րաֆֆի Յովհաննէսեանի հայրն է:
