Հ.Մ.Ը.Մ.ի ԱՄՆի Արևմտեան Շրջանային վարչութիւնը սրտի դառն կսկիծով կը գուժէ անակնկալ մահը՝ վաստակաշատ Հ.Մ.Ը.Մ.-ական, Հ.Մ.Ը.Մ.ի «Արտակարգ Պատուանշան»ի շքանշանակիր Եղբայր Սթիւ Արթինեանի, որ պատահեցաւ Շաբաթ, 17 Յունիս 2023ին
Եղբ. Սթիւ Արթինեան ծնած է Պէյրութ: երբ ան 6 տարեկան էր անոր ընտանիքը կը տեղափոխուի Յունաստան եւ ետքը 1970ին Միացեալ Նահանգներ հաստատուելով Սբրինկֆիլտ Մասաչուսեթս, ուր փոքր հայ գաղութ մը արդեն գոյութիւն ունէր: Երեք տարիներ Արեւելեան շրջանի մէջ ապրելէ ետք, եղբ. Սթիւ եւ իր ընտանիքը կը տեղափոխուին Կլէնտէյլ Քալիֆորնիա, ուր ան գործօն մասնակցութիւն կը բերէ Սուրբ Աստուածածին եկեղեցւոյ մէջ:
Եղբ. Սթիւ կը վարէր Marketing-ի փոխ նախագահի պաշտօը ընկերութեան մը մէջ, որ կը գործէ Գանատայի եւ ԱՄՆի մէջ:
Եղբ. Սթիւ ութ տարեկանին անդամակցած է Հ.Մ.Ը.Մ.ի Յունաստանի մասնաճիւղին որպէս սկաուտ:Ա նմասնակցած է տարբեր սկաուտական աշխատանքներու ԱՄՆ տեղափոխուելէ առաջ:
1973ին ան ադամակցած է Հայ Երիտասարդաց Դաշնակցութեան իսկ 1978ին մաս կազմած է Հ.Մ.Ը.Մ.ի Լոս Անճելըսի մասնաճիւղի ընկերային յանձնախումբին եւ ետքը ստանձնած է նոյն յանձնախումբին ատենապետի պաշտօնը: Այդ օրերուն Լոս Անճելըս մասնաճիւղի ընկերային յանձնախումբը ունէր աւելի քան 60 գործօն անդամներ:
Եղբ. Սթիւ երկար տարիներ ծառայած է որպէս մասնաճիւղի վարչութեան անդամ եւ 5 տարիներ որպէս մասնաճիւղի ատենապետ: Որմէ ետք ան 5 տարեշրջաններու ընթացքին ընտրուած է Շրջանային Վարչութեան անադմ եւ 2007էն 2010 եղած է Շրջանային Վարչութեան ատենապետ: Եղբ. Սթիւ մօտէն վերահսկեց Շրջանային Վարչութեան Կեդրոնի եւ Գէորգ Անտոնեան սրահի շինարարական աշխատանքներուն, որուն բացումը կատարուեցաւ 2009ին Իկըլ Րաքի մէջ:
2007ին եղբ. Սթիւի հետեւողականութեան եւ ջանքերու շնորհիւ կարելի եղաւ իրականացնել Հ.Մ.Ը.Մ.ի Թեքույա
բանակավայրրի սեփականութիւնը՝ 26 acre բանակավայր Ֆրէյժըր Փարքի մէջ, որ Հ.Մ.Ը.Մ.ը մինչեւ օրս կօգտագործէ:
2019ին, Հ.Մ.Ը.Մ.ի Օրուան տօնակատարութեան ընթացքին Կեդր. վարչութեան կողմէ Եղբ. Սթիւ ստացաւ «Արտակարգ պատուանշան»ը՝ իբրեւ գնահատանք իր Հ.Մ.Ը.Մ.ականի փայլուն վաստակին ու ծառայութիւններուն համար:
2019 եւ 2022 բծախնդրօրէն ստանձնեց Նաւասարդեան 44րդ եւ 45րդ մարզախաղերու Յաղթանակի Պարահանդէսի յանձնախումի ատենապետի պաշտօնը: Ան ներկայիս կը վարէր Նաւասարդեան 46րդ մարզախաղերու յաղթանակի պարահանդէսի ատենապետի պաշտօնը, սակայն ցաւօք սրտի եղբօր անակնկալ եւ վաղաժամ մահը կիսատ թողեց եղբօր ժրաջան աշխատանքն ու ծրագիրները ցնցելով Հ.Մ.Ը.Մ.ի մեծ ընտանիքը:
2015-ին՝ Հայոց Ցեղասպանութեան հարիւր ամեակին՝ եղբ. Սթիւ ստանձնեց Արդարութեան Քայլարշաւի Marketing յանձնախումբի ատենապետի պաշտօնը: 2018-ին եղբ. Սթիւ ստանձնեց Լոս Անճելըսի մասնաճիւղի հիմնադրման 50 ամեակը նշելու յանձնախումբին ատենապետի պաշտօնը:
2012-ին եղբ. Սթիւ ստանձնեց ԱՄՆի Հայ Դատի յանձնախումբի Թելեթոնի ատենապետի պաշտօնը, երբ ստացան աւելի քան 3500 նուիրատուութիւններ: Ան երկու շրջաններ ծառայած է որպէս Ազգային Առաջնորդարանի հանրային կապերու յանձնախումբի համանախագահ: Ան նաեւ ծառայած է ՀՕՄ-ի եւ շատ մը այլ կազմակերպութիւններու յանձնախումբերուն մէջ: Ինչպէս նաեւ եղած է ատենապետ Հայ Դատի յանձնախումբին C3 խորհուրդին, վերահսկելով յանձնախումբին կալուածները եւ տարբեր դատիարակչական ծրագրերը:
Եղբ. Սթիւ միշտ պատրաստ եղած է կամաւոր ծառայութեան: Ան միշտ կը հաւատար թէ մեր կազմակերպութեան ամէնէն կարեւոր մասը կը կազմեն մեր անդամներ, կամաւորները ինչպէս նաեւ մեր բոլոր համակիրները: Եղբ. Սթիւի համար շատ կարեւոր էր տաղանդի բազմազանութիւնն ու ընդհանրապէս դրական աճը կազմակերպութեան մէջ:
Հ.Մ.Ը.Մ.ի Արեւմտեան Միացեալ Նահանգներու Շրջանային Վարչութիւնը եւ իր մասնաճիւղերը իրենց խորազգաց ցաւակցութիւնը կը յայտնեն այրիյին՝ տկն. Իվէթին, ընտանեկան պարագաներուն և Հ.Մ. Ը. Մ- ի իր քոյրերուն և եղբայրներուն:
Յիշատակն արդարոյն օրհնութեամբ եղիցի:
