Հինգշաբթի, 18 Մայիս 2023-ին, Քրեսենթա հովիտի Մհեր եւ Սաթիկ Տէր Օհաննէսեան Երիտասարդական Կեդրոնի Դաստիարակչական Յանձնախումբը կազմակերպած է դասախօսական ձեռնարկը «Հայաստանի Գիւղերու Հզորացման Օրինակելի Նախաձեռնութիւն»: Հանդիպումը կը սկսի Խաղաղ-ովկիանոսեան ժամանակով երեկոյեան ժամը 7:30-ին. երիտասարդական կեդրոնի հասցէն է 2633 Honolulu Ave., Montrose, CA. 91020:
Այդա եւ Ասպետ Փողարեանները, որոնք պիտի ներկայացնեն Հայաստանի Գոշ գիւղի մէջ իրենց կատարաց գործունէութիւնները միտուած գիւղի հզորացմանը: Մտահոգուած ըլլալով արտագաղթի և գիւղերու դատարկուելու կործանարար իրականութեանը, Այդան ու Ասպետը 2017-ին որոշեցին գործնական քայլ վերցնել գիւղ մը որդեգրելով, հոն ապրիլ, ներսէն խնդիրները ուսումնասիրել և գիւղացիներուն հետ միասին լուծումներ գտնել։
2019-ին ընտրեցին Դիլիջանի Գոշ գիւղը և այնտեղ տուն գնեցին։ Սահիկներու միջոցով պիտի ներկայացնեն մինչ օրս իրենց կատարած բազմաթիվ ծրագիրները և անոնց ունեցած դրական փոփոխութիւնները: Հզոր գիւղերը հիմնաքարերն են հզոր և բարգաւաճ Հայաստանի, և այս զոյքը փաստն են, որ սփիւռքահայերը մեծ դեր կրնան ունենալ այդ դրական փոփոխութիւնները իրականացնելու:
Այդան ծնուած է Իրան իսկ Ասպետը՝ Եթովպիա։ Անոնք հանդիպեր են Կիպրոսի Մելգոնեան Կրթական Հաստատութիւն, իբր պատանի ուսանողներ: Մելգոնեանը աւարտելէ հետոյ Աիդան յաճախեր է Երևանի Պետական Համալսարանը, իսկ Ասպետը՝ Ֆիլատելֆիայի Սուարթմոր քոլեճը։
1988-էն իվեր անոնք կ՚ապրին Լոս Անճելեոս, իսկ հիմայ իրենց ժամանակը կը կիսէն Լոս Անճելեոսի և Գոշի միջեւ:
Ներկայացումէն հետոյ տեղի կ՚ունենայ հարց ու պատասխան:
