«Դրօշակի» հերթական համարը այսօրուանից համացանցի իր էջի վրայ է։ Պաշտօնաթերթի մարտեան համարը եւս աչքի է ընկնում հրապարակուած նիւթերի բազմազանութեամբ, որոնց շարքում գերիշխողը, բնականաբար, Հայաստան-Արցախն է՝ իր ներկայիս հիմնահարցերով ու տագնապներով։ Նոր համարի առաջնորդողն այս անգամ անդրադառնում է Հայաստանի իշխանութիւնների ներհայաստանեան գործունէութեանը, իշխողների խօսքի ու գործի անհամապատասխանութեանը։
Քաղաքագէտներ Հրանտ Մելիք-Շահնազարեանը եւ Սարգիս Սարգսեանը անդրադառնում են Արցախի շուրջ տեղի ունեցող իրադարձութիւններին վերլուծութիւնները բխեցնելով մասնակից եւ շահագրգիռ արտաքին ուժերի դիրքորոշումներից։
Արցախից լրագրող Տաթեւիկ Աղաջանեանը «Դրօշակի» ընթերցողներին ներկայացնում է երեք ամսից աւելի ձգուող շրջափակման պայմաններում Արցախի գոյատեւմանը, արցախցիների կեանքին ու կենցաղին։
Պատմաբան, քաղաքագէտ Վահէ Սարգսեանը մանրամասնօրէն ներկայացնում է վերջերս Վրաստանի ներքաղաքական կեանքում տեղի ունեցած ալեկոծումը, դրա դրդապատճառներն, արտաքին ու ներքին ազդակները։ Կարծում ենք ընթեցողը կարդալով այս նիւթը, ամբողջական ու բաւարար պատկերացում կը կազմի տեղի ունեցածի վերաբերեալ, ինչպէս նաեւ կը հասկանայ, թէ դրանք եւ դրանց հնարաւոր զարգացումները ինչ անմիջական ազդեցութիւն կարող են ունենալ Հայաստանի համար։
Արեւելագէտներ Լիանայ Պետրոսեանն ու Տիգրան Չանդոյեանը ներկայացնում են Թուրքիայում տեղի ունեցած երկրաշարժի հետեւանքները, ինչպէս եւ բնական այս աղէտի հնարաւոր ազդեցութիւնը Թուրքիայի քաղաքական ապագայ զարգացումների վրայ։
Մարտ ամիսը հայ ժողովրդի համար դառնում է յիշատակելի՝ խորհրդանշական իմաստ ձեռք բերող այնպիսի իրադարձութեան հետ կապուած ինչպիսին է 1921 թուականի մարտի 15-ին Հայ Յեղափոխական Դաշնակցութեան լաւագոյն մարտիկ վրիժառուներից մէկի՝ Սողոմոն Թեհլիրեանի ձեռքով հաեօց ցեղասպանութեան գլխաւոր պատասխանատուներից մէկի՝ Թալեաթ Փաշայի ոչնչացման գործողութիւնը։ Հաեօց մեծ հատուցման «Նեմեսիս» ծրագրին են անդրադառնում բանասէր Մարիամ Յովսեփեանն ու պատմաբան Անի Մելքոնեանը։
Բանասիրական գիտութիւնների դոկտոր Մարգարիտայ Խաչատրեանը հետաքրքրական վերլուծութիւն է ներկայացնում նախկին կանադահայ ներկայիս Հայաստանցի Մարգար Շարապխանեանի «Դարձ դէպի հայրենիք» յուշագրական բնոյթի գրքի վերաբերեալ։ Էջ առ էջ անցնելով Մարգար Շարապխանեանի տպաւորութիւնների ու ընդհանրացումների ճանապարհով յօդուածի հեղինակը բացում է դրանք, կիսում ու գրքի հեղինակի հետ կարծես շարունակում է խորհրդածել հաեօց հայրենիքի, նրա ժողովրդի առօրեայի, վարքի ու մտածումների ոլորապտոյտ կեռմաններով։
Ընթերցողի հետ «Դրօշակի» բարեկամ Վրեժ-Արմենի «Ընկերական զրոյցի» հերթական թեման կուսակցութիւն երեւոյթն է, նրա իմաստն ու առաքելութիւնը։ Իր այս զրոյցը սփիւռքահայ գրողը, խմագիրն ու հրապարակախօսը աւարտում է հետեւեալ արձանագրմամբ․
«Հայ ազգային կուսակցութիւնները իրենց գործելակերպի ու գաղափարականի տարբերութիւններով հանդերձ՝ նոյն ազգին գերագոյն նպատակին՝ գոյապահպանման ու զարգացման կը ծառայէն։ Անօնք
մնայուն գործակիցներ են, ըլլալու են, պիտի ըլլան միշտ։ Այլապէս ոչ հայ կրնան համարուիլ, ոչ ալ՝ ազգային»։
«Դրօշակի» 2023 թուականի երրորդ համարում կան հետաքրքրական այլ յօդուածներ եւս, որոնց կարելի է ծանօթանալ մուտք գործելով ՀՅԴ պաշտօնաթերթի կայքէջ:
Ներբեռնել համարը «Դրօշակ» թիւ 3, 2023թ
