«Խայփալու» կոչուող տեղանքում մարտի 5-ի ժամը 10։00-ի սահմաններում ադրբեջանական զինուժի դիւերսիոն խմբի յարձակման հետեւանքով ՆԳՆ ոստիկանութեան անձնագրային եւ վիզաների վարչութեան ծառայողների շրջանում կայ զոհ եւ վիրաւոր։ «Արմէնպրես»-ի հաղորդմամբ՝ այս մասին «Ֆէսյբուք»-ի իր էջում տեղեկացրել է Արցախի ՆԳՆ ոստիկանութիւնը՝ յաւելելով, որ դէպքի մասին մանրամասներ կը հրապարակի աւելի ուշ։
Նոյն աղբիւրն աւելի վաղ յայտնել էր, որ ադրբեջանական զինուժի դիւերսիոն խումբը մարտի 5-ին ժամը 10։00-ի սահմաններում թիրախաւորել եւ կրակ է արձակել ոստիկանութեան անձնագրային եւ վիզաների վարչութեան անձնակազմի հերթափոխի մեքենայի վրայ։
