Չորեքշաբթի, 8 Փետրուար 2023-ին, Արեւմտեան Ամերիկայի ժողովրդանուէր բարերարներէն Տոքթ. Մայք Սարեան եւ իր Տիկինը Էվելինա, առ ի զօրակցութիւն երկրաշարժէն ցնցուած հալէպահայութեան անմիջական կարիքներու բաւարարման, յիսուն հազար տոլարի վճարագիր մը յանձնեցին Առաջնորդ Սրբազանին, իրենց տան մէջ տեղի ունեցած մտերմիկ հանդիպման ընթացքին։
Բարերար Սարեան զոյգը, մնայուն կերպով կը զօրակցի հայ ազգի զանազան ծրագիրներու իրագործման։
Յիշեցնենք, որ Յունուարին, Մայք Սարեան կատարեց ազնուական այլ նուիրատուութիւն մը Պրիւքսելի հայ դատի գրասենեակի աշխատանքներուն:
