Յետագայում նման անպատասխանատու յայտարարութիւնները բացառելու նպատակով՝ կոչ ենք անում հարցը քննարկել էթիկայի յանձնաժողւում:
Վերջին շրջանում Հայաստանի Հանրապետութեան պաշտօնական խօսոյթում, մասնաւորապէս՝ Ազգային ժողովի որոշ պատգամաւորների ելոյթներում յաճախ են հնչում յայտարարութիւններ, որոնք կասկածի տակ են դնում Արցախեան ազգային – ազատագրական պայքարի նշանակութիւնը եւ Արցախի ժողովրդի ինքնորոշման իրաւունքը, պառակտում մտցնում ազգի ներսում:
Նմանատիպ յայտարարութեամբ վերջերս հանդէս է եկել Հայաստանի Հանրապետութեան Ազգային ժողովի «Քաղաքացիական պայմանագիր» խմբակցութեան պատգամաւոր Գուրգէն Արսենեանը:
Արցախի Հանրապետութեան Ազգային ժողովի բոլոր խմբակցութիւնները, խստօրէն դատապարտելով նման վտանգաւոր վարքագիծը, համոզմունք են յայտնում, որ այդօրինակ արտայայտութիւնները ոչ միայն չէն բխում հայ ժողովրդի շահերից, այլեւ ջուր են լցնում թուրք-ադրբեջանական տանդէմի ջրաղացին: Ակնկալում ենք ՀՀ Ազգային ժողւում ներկայացուած խմբակցութիւնների պաշտօնական արձագանքը:
Յետագայում նման անպատասխանատու յայտարարութիւնները բացառելու նպատակով՝ կոչ ենք անում հարցը քննարկել էթիկայի յանձնաժողւում:
Համոզուած ենք, որ հայկական երկու հանրապետութիւնների առջեւ ծառացած մարտահրաւէրներին կարող ենք դիմակայել միայն Հայաստան- Արցախ- Սփիւռք եռամիասնութեամբ:
«Ազատ Հայրենիք – ՔՄԴ» խմբակցութիւն
«Միասնական հայրենիք» խմբակցութիւն«Արդարութիւն» խմբակցութիւն
«Հայ յեղափոխական դաշնակցութիւն» խմբակցութիւն
«Արցախի ժողովրդավարական կուսակցութիւն» խմբակցութիւն
