Ոստիկանական ռեժիմի նոր ալիք Հայաստանում
ՀՀ Ազգային ժողովի խորհուրդը «Հայաստան» խմբակցութեան 22 պատգամաւորի լիազօրութիւնները դադարեցնելու հարցով նախատեսում է դիմել Սահմանադրական դատարան: Ազգային ժողովի կայքում հրապարակուել են ՀՀ ԱԺ խորհրդի համապատասխան որոշումների նախագծերը, որոնք նախատեսւում է ընդունել յունուարի 13-ին:
Ըստ յայտարարութեան՝ Ազգային ժողովի խորհուրդը նախատեսում է դիմել Սահմանադրական դատարան՝ «Հայաստան» խմբակցութեան պատգամաւորներ Իշխան Սաղաթելեանի, Աննայ Գրիգորեանի, Արմէն Ռուստամեանի, Սեյրան Օհանեանի, Էլինար Վարդանեանի, Արծուիկ Մինասեանի, Արգիշտի Գեւորգեանի, Գեղամ Մանուկեանի, Քրիստինէ Վարդանեանի, Աղուան Վարդանեանի, Ագնեսայ Խամոյեանի, Անդրանիկ Թեւանեանի, Աշոտ Սիմոնեանի, Արմէն Չարչեանի, Ասպրամ Կրպեյեանի, Արմենուհի Կիւրեղեանի, Թադեւոս Աւէտիսեանի, Արթուր Սարգսեանի, Արթուր Խաչատրեանի, Արեգնազ Մանուկեանի, Գեղամ Նազարեանի, Զեմֆիրայ Միրզոեւայի լիազօրութիւնները դադարեցնելու հարցով։
Գրութիւնները կրում են Ալեն Սիմոնեանի ստորագրութիւնը:
