Գործադրում ենք մեր ձեռքի տակ եղած բոլոր դիւանագիտական ջանքերը՝ Արցախից հնչող պահանջը տեղ հասցնելու համար
Երեկ ԱՄՆ Հայ Դատի յանձնախումբը՝ ANCA դիմել էր ՄԱԿ-ին՝ կոչ անելով օդային ճանապարհով հումանիտար բեռներ հասցնել Արցախ։
Այսօր արդէն Արցախի ԱԺ պատգամաւորները նամակով դիմել են միջազգային հանրութեանը նոյնանման կոչով, որտեղ մասնաւորապէս ասւում է․ «Կոչ ենք անում քաղաքակիրթ աշխարհին, մասնաւորապէս Մինսկի խմբի համանախագահող երկրներին կոնկրէտ գործողութիւններ կիրառել միջանցքի բացման կամ օդային կամրջի՝ Ստեփանակերտի օդանաւակայանի գործարկման ուղղութեամբ, ինչը թոյլ կը տայ ձմեռային ժամանակաշրջանում փոքր-ինչ կանխելու Արցախում առկայ հումանիտար տագնապալի ճգնաժամը» ։
Թուիթերում արդէն այս ուղղութեամբ բաւական տարածուած արշաւ կայ, որին կարող եք միանալ նաեւ դուք՝ օգնելով տեղ հասցնել պահանջը։
Մենք էլ այս ուղղութեամբ գործադրում ենք մեր ձեռքի տակ եղած բոլոր դիւանագիտական ջանքերը՝ բոլոր կողմերին Արցախից հնչող պահանջը տեղ հասցնելու համար։
ՀՅԴ անդամ, ԱԺ պատգամաւոր Քրիստինէ Վարդանեան
