«Ժողովուրդ» օրաթերթը գրում է. «Ժողովուրդ» օրաթերթի տեղեկութիւններով՝ ԱԺ «Հայաստան» խմբակցութեան պատգամաւոր Գեղամ Մանուկեանին մեղադրանք առաջադրելու համար խորհրդարան կը գայ ՀՀ գլխաւոր դատախազ Աննայ Վարդապետեանը:
Մենք գրել էինք, որ նա յայտնուել է իրաւապահների ուշադրութեան կենտրոնում քուրդ ազատամարտիկների՝ Թուրքիայում յայտնուելու դէպքով արած յայտարարութիւնների համար: Բանն այն է, որ «ԱԺ կանոնակարգ» օրէնքի 108-րդ յօդուածի համաձայն՝ պատգամաւորի նկատմամբ քրէական հետապնդում յարուցել կամ ազատութիւնից զրկել հնարաւոր է միայն Ազգային ժողովով՝ դատախազի միջնորդութեան հիման վրայ: Ընդ որում՝ պատգամաւորի նկատմամբ քրէական հետապնդում յարուցելուն կամ նրան ազատութիւնից զրկելուն համաձայնութիւն տալու մասին Ազգային ժողովի որոշումն ընդունւում է գաղտնի քուէարկութեամբ:
Յիշեցնենք, որ Գեղամ Մանուկեանը ԱԱԾ-ում հարցաքննուել էր քուրդ ազատամարտիկների՝ Թուրքիայում յայտնուելու դէպքով տարուող քրէական գործով, ինչը հէնց Մանուկեանը հաստատել էր մէզ հետ զրոյցում: «Ժողովուրդ» օրաթերթը աւելի վաղ գրել էր, որ ԱԱԾ-ում քրդերի՝ Թուրքիայում յայտնուելու առեղծուածային դէպքով քրէական գործ է յարուցուել, եւ բաւականին խիստ է դրուել հարցը՝ պարզել, թէ ինչպէս են երկու քուրդ ազատամարտիկները յայտնուել Թուրքիայի ուժային կառոյցներ մօտ: Յիշեցնենք նաեւ, որ երկու քրդերը Հայաստանում 2021 թուականի օգոստոսի 16-ին ապօրինի հատել էին Արաքս գէտով անցնող՝ ՀՀ պահպանուող պետական սահմանը:
